ඔහු මුලින්ම ජාතික තලයට පිවිසෙන්නේ, වයස 18 න් පහළ ශ්‍රී ලංකා කණ්ඩායම නියෝජනය කරමින් ඉන්දියාවේ පැවැති තරගාවලියකට සහභාගීවෙමින්, ඔහු ගාල්ල යූත් ගාල්ල යුනයිටඩ් ක්‍රීඩා සමාජ දෙකම විටින් විට නියෝජනය කල අතරම, ඔල්ඩ් ජෝස් ( මරදාන ආදි ශාන්ත ජෝසප් ) කණ්ඩායම නියෝජනය කලා. පාසල් සමයේම දක්ෂතා ගොන්නක් එක්ක පීදුනු මෙම ක්‍රීඩකයා ප්‍රධාන පෙලේ තරග වලට පිවිසුනේ , පෙටා යුනයිටඩ් හා වික්ටර් ක්‍රීඩා සමාජ වලින්.
ජාතික කණ්ඩායම වසර 15 කට අධික කාලයක් නියෝජනය කරපු චන්න මෙරට ඇති බොහෝ ක්‍රීඩා සමාජ වල ප්‍රධාන සාමාජිකයෙක් වුණා. ඒ වගේම මාලදිවයින, ඉන්දියාව, බංග්ලාදේශය වගේ රටවලත් ක්‍රීඩා සමාජ තරගවලට ක්‍රීඩා කරපු චන්න දැන් ඉන්නේ ගාල්ල නගර සභාවෙ සුලු සේවකයෙකු විදියට ලු.. දැනටත් කලුතර බ්ලූස්ටාර් කණ්ඩායමේ සාමාජිකයෙකු වන චන්නට මෙහෙම වුනේ ඇයි ? ඔහු අතීතයෙන්, වර්තමානයට හෝ අනාගතයට අයෝජනයක් කර ගෙන නැත. ඉහළ සාමාජ තත්වයක් සකසා ගැනීමේ හැකියාව මෙන්ම අත්දැකීම් ඇති ඔහු කනත්තක මිනී වලවල් කපන්නේ කාගේ වරදින්ද ? ඔහුම මේවාට පිලිතුරු සපයා ගත යුතුය. ක්‍රීඩකයෙකුගේ දක්ෂතා ගැන කිසිදු විවේචනයක් නැත. නමුත්, ඔහුගේ ක්‍රියා කලාපය ගැන ඔහු වගකිය යුතුය. මෙරට ක්‍රීඩාවේ හා ක්‍රීඩා බලධාරීන් අතර ක්‍රීඩකයන්ගේ ගුණදහම්, සමාජයේ ජීවත් විය යුතු ආකාරය හා ඔවුන් සතු සාමාජීය වගකීම ඉගැන්වීමේ ක්‍රමයක් නොමැත.
අවසානයේ දැන් ඔහු ගෙවන තත්වය ගැන පුද්ගලිකව දුක්වුවද ? එවැනි තත්වයක් උදා කරගැනීම ගැන වගකිව යුත්තේ ඔහුම නේද ? චන්න හොඳ ක්‍රීඩකයෙක් නමුත්, ඔහුට වැරදුන තැනක් ඇත. ඒ ඔහුගේ වටිනාකම එදා සිට අද දක්වා ඔහු හඳුනා නොගැනීමයි. ඊට ඔබට හා මට කිසිවක් කල නොහැක.
කිඹුල් කඳුලු හෙලීමෙන්ද පළක් නැත. ඔහුගේ දෛවය, වසර 15කට අධික කාලයක් ප්‍රධාන පෙලේ පාපන්දු සමාජ නියෝජනය කරමින් ප්‍රධාන පෙලේ ක්‍රීඩකයෙකු ලෙස හරි හම්බ කල දෑ, කනත්තක වලක් කපන උදැල්ලකට සීමා කලේ ඔහුමය.
ඕපදූප කරුවන්ට චන්න තණකොල කැපීම වගේම මිනී වලවල් කැපීම හොඳ හිට් එකකි. ඔහු ක්‍රීඩා කරන ආකාරය බලා පාපන්දු තරුවීමට සිහින දුටු, ඔහු තරග දිනවන ආකාරය දෙස බලා අත්පොලසන් දුන් අපට එය ලැජ්ජාවීමට හා දුක්වීමට කරුණකි. ඒ ඔහුගේ තැන ඔහු විනාශ කරගත් පුද්ගලයෙකු බව ඔහු විසින්ම ඒත්තු ගන්වා තිබීම හේතුවෙනි.
චන්නට ශ්‍රී ලංකාවේ ඕනෑම පාසලක පුහුණුකරුවෙකු ලෙස කටයුතු කිරීමේ කිසිම බාධාවක් නැත. ඔහුට ඒ සඳහා අවශ්‍ය අත්දැකීම් මෙන්ම දැනුම ඇත. නමුත්, ඔහුට ඒ සඳහා ඇති අවශ්‍යතාවය හා උනන්දුවක් ඇත්දැයි සැකසහිතය.
ඕපදූප කරුවනි,ලැබෙන ආදායමින් ජීවත්වීමට නොදන්නා මිනිසෙකු ලොරියක් පිරෙන්න මුදල් ලබාදුන්නද සෑහීමට පත් කල නොහැක.
මා මින් චන්නට අපහාස කිරීමට අදහස් නොකරමි, නමුත් ඔහු විසින්ම ඔහුගේ ප්‍රතිරූපය අමු අමුවේම විනාශකරගෙන හමාරය.
FFSL should at least try to help him out from this situation.. At least a career guidance or something.. this is discouraging younger footballers.. just like I left it 7 years ago...
ReplyDeleteMay be he likes what he do. If you are a friend or a relation or someone thinks about him it would be nice to understand him first and help him if required. Thats his personal life.
ReplyDeleteThis comment has been removed by a blog administrator.
ReplyDelete