10/07/2016: අද ඔහු සහභාගීවූ සුදුසුකම් ලබා ගැනීමේ තරගයේදී උපරිම උත්සාහයක ඔහු යෙදුන බවට වෙනත් උදාහරණ අවශ්ය නොවේ. ඔහු ඒ වෙනුවෙන් කෙතරම් කැප වී ඇද්ද යන්නද එහිදී දැකගත හැකි විය. ඔහුගේ ඔලිම්පික් ගමන වැලකුනේ ඔහුට 2.29 තරණය කිරීම නොහැකි වූ නිසා නොවේ. ඔහුට ඊට අවශ්යවූ අවස්ථා නොලුබුණු නිසාවෙනි. අද ඔහුට එය කල නොහැකි විය. නමුත් මෙවැනිම අවස්ථා හතක් අටක් පසුගිය කාලයේදී ලබා දී තිබුනේ නම් ඔහුට අද වනතෙක් සිටීමට සිදුනොවනු අනුමානය. අද ඔහුගේ පිමි දෙකක් වලකාලූයේ පාදයේ බත් කෙන්ඩ හා විලුඹයි.එම තාක්ෂණික වරද නිවැරදි කරගැනීමට උපදෙස් දීමට හො කිසිවෙකු නොවුවද ඔහු තනිව සටන් වැදින. ක්රීඩාංගණයේ සිටි සියලු දෙනා මංජුල වෙනුවෙන් ඔල්වරසන් දෙමින් ඔහුගේ උත්සාහයට උදව් කලේය. කෙසේ වෙතත් ඔහුගේ උත්සාහය හා මහන්සිය වසර 4කට කල් දමමින් යතාර්තය ජයග්රහණය කලේය.
මංජුල මෑත ඉතිහාසයේ වාර්තා කල උපරිම දක්ෂතාවද අද දැක්වූ 2.25 දක්ෂතාව සැලකේ.
බළධාරීන් හා නිළධාරීන් ක්රීඩක ක්රීඩිකාවන් ගැන යොදවන අවධානය අද දින ශබ්ධ විකාශන යන්ත්ර භාවිත කල ආකාරයෙන්ම නිරීක්ෂණය කල හැකිවිය. ජාතික හො ජාත්යන්තර තරගාවලියකදී ශබ්ද විකාශන යන්ත්ර භාවිත කරනු ලබන්නේ ක්රීඩක ක්රීඩිකාවන්ට හිරිහැරයක් නොවන අයුරිනි. ජාතික ශූරතා තරගාවලියක් බක් මහ උළෙලක් නොවේ. තරග පැවැත්වෙන අවස්ථාවක පදක්කම් ප්රධානය සිදුකිරීම මෙන්ම කටෝර ශබ්ද නිකුත් කරමින් ශබ්ද විකාශන යන්ත්ර භාවික කරන්නේ නැත. අද මංජුලගේ තරගය අතරතුර ඔහු හා විනිශ්චයකරුවන්ගේ ඉල්ලීමද ඵල රහිත වූයේ සංදර්ශනය ක්රීඩාවට වඩා වැදගත් වූ නිසා විය හැක.
සංදර්ශනය පමණක් ඉතිරිව ක්රීඩාව විනාශ වී ගොස් අවසන්ය, අද මලල ක්රීඩාවේ ප්රධාන අනුග්රාහකයාද ඉඟි කලේ, සංදර්ශන නවත්වා ප්රථිඵලයට වැඩි ඉඩක් ලබා දෙන ලෙස විය හැක.
අද අහිමි වුනේ මංජුලගේ ඔලිම්පික් වරම නොව ශ්රී ලාංකික ක්රීඩක ක්රීඩිකවන්ගේ කැප කිරීම දහඩිය මහන්සිය වෙනුවෙන් තවත් ශ්රී ලාංකිකයෙකුට ඔලිම්පික් නියෝජනය ට තිබූ අවස්ථාවයි.
ඔහුට එය අහිමි වූයේ නැත, සියලු බළධාරීන් එක්ව එය රටට අහිමි කලා. ශ්රී ලාංකික ක්රීඩා ක්ෂේත්රයට අනාගතයේදී මංජුල හොඳ උදාහරණයක්.
ඔහුට මෙන්ම ශ්රී ලංකා මලල ක්රීඩක ක්රීඩිකාවන් කිහිප දෙනෙකුටම ඔවුනට හිමිවිය යුතුව තිබූ වටිනාකම නොලැබිණ. එසේ ලැබුනේ නම්, අද මලල ක්රීඩක ක්රීඩිකාවන් ගොන්නට අඩු තරමින් ක්රීඩක ක්රීඩිකාවන් දෙදෙනෙකු හො එක්කරගැනිමේ හැකියාව තිබිණ. දුවන්න ක්රීඩාංගණයක් නොමැති අවස්ථාවක එතෙර අවස්ථා කිහිපයක් හෝ ලබා දීමට අවධානය යොමු නොවීය.
Comments
Post a Comment