විඩාබර ගමනකින් පසුව ශ්‍රී ලංකා ඔලිම්පික් කණ්ඩායම බ්‍රසීලයට ළඟා වෙයි.

ශ්‍රී ලංකාව නියෝජනය කරමින් ඔළිම්පික් ක්‍රීඩා උළෙලට මෙවර ක්‍රීඩකයන් හත් දෙනෙකු හා ක්‍රීඩිකාවන් දෙදෙනෙකු සහභාගීවේ. බ්‍රසීලයේ රියෝද ජනයිරෝ නුවර පැවැත්වෙන ක්‍රීඩා උළෙල අනිද්දා (6) මෙරට වේලාවෙන් පෙරවරු 4.00 ට නිළ වශයෙන් ආරම්භ වීමට නියමිතය.

ශ්‍රී ලංකා කණ්ඩායමේ 7 දෙනෙකු මෙරටින් පසුගිය සඳුදා බ්‍රසීලය බලා ගමන් ගත් අතර, ඔවුන් ඊයේ (3) මෙරට වේලාවෙන් පෙරවරු 9ට පමණ බ්‍රසීලයට ලඟා වී ඇත. ගුවන් යානා තුනක පැය 38 කට අධික කාලයක් ඒ සඳහා ඔවුන් ගතකර ඇත. මේ දිනවල රියෝ නුවර කාළගුණය සෙල්සියස් අංශක 22ක් පමණ වන බව වාර්තා වන අතර, එය ශ්‍රී ලාංකික ක්‍රීඩක ක්‍රීඩිකාවන්ට අභියෝගයක් වනු ඇත.

ශ්‍රී ලංකා ක්‍රීඩක ක්‍රීඩිකාවන් අතරින් කිමිකෝ රහීම් පසුපස ආර පිහිණුම් ඉසව්වෙන්, ලබන 7 වැනි දා පළමු වැන්නා ලෙස තරග බිමට පිවිසීමට නියමිතයි. ඇයගේ  මූලික වටයේ තරගය මෙරට වේලාවෙන් රාත්‍රී 9ට පමණ ආරම්භ වීමට නියමිතයි.

ශ්‍රී ලංකා ක්‍රීඩක ක්‍රීඩිකාවන් තරග බිමට පිවිසෙන කාල සටහන.

කිමිකෝ රහීම් - පසුපස ආර 100 - 7 වැනි දා - පැය  21.30 (මූලික වටය) 
සුදේෂ් පීරිස් - බර ඉසිලීම - 62 කිලෝ - 8 වැනි දා - පැය 18.30 (අවසන්) 
චාමර නුවන් - ජූඩෝ - 73 කිලෝ - 8 වැනි දා - පැය 19.30
                      (අවසන් 64 - නිතරග ජය)  අවසන් 32 වටය
මංගල සමරකෝන් - වෙඩි තැබීම -10 මීඑයාර්රයිෆල් - 8වැනිදා -
                      පැය 1730  (මූලික වටය) 
මැතිව් අබේසිංහ - පිහිණුම් 100 නිදහස් - 9 වැනිදා - පැය 21.30
                     (මූලික වටය) 
නිලූක කරුණාරත්න - බැඩ්මින්ටන් - 11වැනිදා - 18.00 පැය -
                     චීනයේ චෙන් ලොංග් 
දෙවරක් ලෝක ශුරතාවට හිමිකම් කී චෙන් ලොංග් ශ්‍රේණිගත කිරීම්හී දෙවැනි ස්ථානයේ පසුවන ක්‍රිඩකයා වන අතර, නිලූක පසුවන්නේ 94 වැනි ස්ථානයේය.

                                                   - 13 වැනිදා - 04.00 පැය  

                                                   - 15 වැනිදා - 00.25 පැය

මංගල සමරකෝන් - වෙඩි තැබීම -50 මී එයාර්රයිෆල් ප්‍රෝන් -
                           12 වැනිදා - පැය 17.30 (මූලික වටය) 
නිලූකා රාජසේකර - මැරතන් කාන්තා - 14 වැනිදා - 18.00 පැය 
සුමේද රණසිංහ - හෙල්ල විසිකිරීම - 18 වැනි දා - 17. 00 පැය
                         (මූලික වටය) 

අනුරාධ ඉන්ද්‍රජිත් - මැරතන් පිරිමි - 21 වැනිදා - 18.00 පැය 

පුද්ගලිකව ඉහළම දක්ෂතා පෙන්වමින් ශ්‍රී ලංකා වාර්ථා අභිබවා යෑමට, ශ්‍රී  ලංකා ක්‍රීඩක ක්‍රීඩිකාවන්ට සුභ පතමු.